Lidar rasiejskaha motakłuba zajaviŭ u Chatyni, što Biełaruś i Ukraina — častki Rasiei.
«Načnyja vaŭki» u čarhovy raz biaruć Bierlin: Załdastanaŭ i siabry jahonaha kłubu ładziać motaprabieh, prymierkavany Dniu Pieramohi. Učora jany vyjechali z Maskvy, siońnia ŭskładvajuć kvietki da savieckich pomnikaŭ na terytoryi našaj krainy.
Padčas vizitu ŭ miemaryjalny kompleks u Chatyni Załdastanaŭ paškadavaŭ pra raspad Savieckaha Sajuzu ŭ 1991-m dy skazaŭ, što ličyć Biełaruś i Ukrainu častkami Rasiei.
«Biełaruś — heta Rasieja, Ukraina — heta Rasieja», — zajaviŭ jon.
Ciapier bajkiery buduć sprabavać trapić u Polšču, jakaja ŭžo abvieściła, što nie puścić udzielnikaŭ motaprabiehu na svaju terytoryju.
Załdastanaŭ budzie supravadžać kałonu bajkieraŭ da Bieraścia, bo praz sankcyi za ŭdzieł u anieksii Rasijaj Kryma i sprobie zachopu Danbasa jon nieŭjazny ŭ Jeŭrasajuz.
