Pra heta jon zajaviŭ siońnia na naradzie pa pytańniach karekciroŭki praviłaŭ pryjomu va ŭstanovy vyšejšaj i siaredniaj śpiecyjalnaj adukacyi.
Kiraŭnik dziaržavy rastłumačyŭ, čamu nadaje takuju pilnuju ŭvahu ustupnaj kampanii. «Dla ludziej, dla budučyni našaj krainy heta najvažniejšy etap. Niama śpiecyjalistaŭ — niama krainy. A śpiecyjalistaŭ my rychtujem pierš za ŭsio ŭ VNU», — skazaŭ jon.
Łukašenka padkreśliŭ, što dziaržaŭnaja kamisija pa kantroli za chodam padrychtoŭki i praviadzieńnia ŭstupnych vyprabavańniaŭ budzie staranna pracavać, kab vyrašać uźnikajučyja prablemy. «Hetamu treba nadavać nieasłabnuju ŭvahu», — pierakanany kiraŭnik dziaržavy.
Tema pastupleńnia ŭ VNU i raniej abmiarkoŭvałasia na prezidenckim uzroŭni. «U svoj čas my pajšli na radykalnyja reformy va ŭstupnaj kampanii, zamianiŭšy ekzamieny na centralizavanaje testavańnie, — adznačyŭ kiraŭnik krainy, źviarnuŭšy ŭvahu, što da hetaha času isnujuć roznyja punkty hledžańnia pa hetym pytańni. — Ale niama značnaj pieravahi mierkavańniaŭ ni ŭ adzin, ni ŭ inšy bok. Jość tyja, chto za CT, i niamała tych, što vystupaje za raniejšyja formy ekzamienaŭ. Dzieści, asabliva ŭ tvorčych VNU, my sprabavali sumiaścić CT sa zvyčajnymi formami ekzamienaŭ. Siońnia my, dy i ja ŭ tym liku, daloka nie adnaznačnyja ŭ mierkavańni pa hetym pytańni. U mianie niama pieravahi da jakoj by tam ni było formie ŭstupnych vyprabavańniaŭ, tamu ja bolš aryjentujusia na vas, na hramadstva».
Alaksandr Łukašenka taksama nahadaŭ ab damoŭlenaści štohod, pierš za ŭsio praź dziejnaść kamisii pa kantroli za ŭstupnaj kampanijaj, analizavać jaje chod, až da drabniutkich niuansaŭ, rabić vysnovy i ŭnosić pry nieabchodnaści źmieny, u tym liku i ŭ praviły pastupleńnia ŭ VNU.
Pry hetym kiraŭnik zajaviŭ, što hałoŭnaje — heta, viadoma ž, patrebnaści ŭ ekanomicy, sacyjalnaj śfiery, achovie zdaroŭja, adukacyi, sielskaj haspadarcy, pramysłovaści. «My budziem zaŭsiody zychodzić z hetaj patrebnaści pa kolkasnym i jakasnym składzie našych abituryjentaŭ, budučych studentaŭ», - udakładniŭ kiraŭnik dziaržavy.
«Vy prapanujecie, kab adbor, kryteryi byli surjoznymi, kali my lhatujem jakuju-niebudź katehoryju, da prykładu, pieramožcaŭ alimpijad. Kali spartoŭcy — to ŭžo majuć peŭnyja spartyŭnyja dasiahnieńni, pakolki jany budučyja treniery i pavinny ŭ hetaj śfiery nie prosta raźbiracca, a mieć svaje dasiahnieńni. Heta značyć, padrychtavany ceły šerah prapanoŭ. I pakolki ŭ mianie pa niekatorych pytańniach niama adnaznačnaha mierkavańnia, ja vyrašyŭ pa kožnym pytańni arhanizacyi ŭstupnaj kampanii pasłuchać vas», — adznačyŭ Alaksandr Łukašenka.
Kiraŭnik krainy taksama zapatrabavaŭ pravieści ŭstupnuju kampaniju zładžana i dakładna.
U naradzie prymajuć udzieł vice-premjer Natalla Kačanava, ministr adukacyi Michaił Žuraŭkoŭ, staršynia respublikanskaj rady rektaraŭ vyšejšych navučalnych ustanoŭ, rektar BDEU Uładzimir Šymaŭ
