 |
U paniadziełak viciablanie ŭ haściach pieramahli mienskaje «Dynama» – 2:1. Da hetaha «Viciebsk» užo akazvaŭsia macniej za MTZ-RIPA. Takim čynam, pieršy ispyt na tryvałaść kamanda zdała.
Nia mienš niečakanym vyhladaje i druhoje miesca turnirnaj tablicy, jakoje zabiła za saboj «Smarhoń». Dziakujučy aŭtahołu Siarhieja Kavalčuka «Smarhoń» u haściach pieramahła «Šachcior» – 1:0.
U centralnym matčy turu MTZ-RIPA ŭ cikavaj vidoviščnaj hulni pieramoh žodzinskaje «Tarpeda» – 4:2. Paśla troch startavych pieramoh dźvie parazy zapar atrymaŭ navapołacki «Naftan». Na hety raz klub prajhraŭ doma «Homielu» – 1:2.
Čempijon krainy barysaŭski BATE doma razyšoŭsia miram z krepkim navičkom elity mikaševickim «Hranitam» – 1:1.
Astatnija matčy turu prynieśli nastupnyja vyniki: «Savit» – «Nioman» – 3:5, «Dynama» (Bieraście) – «Daryda» – 2:1, «Lakamatyŭ» – «Dniapro» – 2:1.
Turnirnaja tablica paśla piaci turaŭ vyhladaje nastupnym čynam: «Viciebsk» — 13 punktaŭ, «Smarhoń» — 10, «Naftan», BATE, MTZ-RIPA – pa 9, «Dynama» (Miensk), «Šachcior» — pa 8, «Tarpeda», «Homiel» – 7, «Hranit», «Łakamatyŭ» — pa 6, «Savit», «Nioman», «Dynama» (Bieraście) — pa 4, «Dniapro» — 3, «Daryda» — 1.
Najlepšyja bambardziry Arciom Kancavoj (MTZ-RIPA) i Mikałaj Švydakoŭ («Lakamatyŭ») pa 5 hałoŭ.
