Havorka idzie pra minarytarny pakiet «Biełarusbanka». Prapanova ab vybary pakupnika akcyj pavinna być uniesienaja va ŭrad da 1 listapada 2017 hoda.
Jak havorycca ŭ raspaŭsiudžanym paviedamleńni, rasparadžeńniem premjer-ministra Biełarusi Andreja Kabiakova stvoranaja rabočaja hrupa dla kaardynacyi raboty pa realizacyi minarytarnaha pakieta akcyj «Aščadny bank «Biełarusbank». Jaje ŭznačaliŭ ministr finansaŭ Uładzimir Amaryn.
Hrupie daručana ŭzhadnić papiaredniuju acenku koštu akcyj banka. Taksama jana zojmiecca ŭzhadnieńniem umoŭ adkrytaha konkursu pa vybary finansavaha kansultanta pa pytańniach realizacyi akcyj banka, składańniem śpisu patencyjnych daradcaŭ i, paźniej, uchvałaj padrychtavanaha finansavym kansultantam płana mierapryjemstvaŭ pa realizacyi minarytarnaha pakieta akcyj «Biełarusbanka».
Pavodle daśledavańnia RIA Rejtynh, pa doli ŭ bankaŭskich aktyvach «Biełarusbank» — lidar u SND. Dola «Biełarusbanka» na nacyjanalnym rynku ŭ 2014 hodzie skłała 41%, tady jak u idučych za im Banka Hruzii i Mižnarodnaha banka Azierbajdžana jana była, adpaviedna, 36,6% i 36,5%.
