Ilustracyjnaje fota
U zajavie adznačajecca, što abmiežavańni, uviedzienyja jašče ŭ śniežni 2006 hodu, anulavanyja «u adkaz na niadaŭnija pazityŭnyja padziei ŭ Biełarusi».
«Hetaje rašeńnie adpaviadaje mieram, pryniatym ZŠA i Jeŭrasajuzam u kastryčniku 2015 hoda», - havorycca ŭ paviedamleńni viedamstva.
U MZS Kanady taksama paličyli pośpiecham vyzvaleńnie palitviaźniaŭ i biezhvałtoŭnaje praviadzieńnie prezidenckich vybaraŭ u kastryčniku 2015 hoda.
Taksama Kanada acaniła pazityŭnuju rolu Biełarusi va ŭrehulavańni situacyi na ŭschodzie Ukrainy.
Svaim rašeńniem ab admienie sankcyj Kanada daje prava na ekspart u Biełaruś tavaraŭ i technałohij.
U viedamstvie taksama adznačyli, što Kanada budzie praciahvać sačyć za raźvićciom situacyi ŭ Biełarusi i budzie ŭzajemadziejničać ź biełaruskim uradam «u metach prasoŭvańnia pravoŭ čałavieka, demakratyčnych standartaŭ i normaŭ, a taksama zachavańni pravoŭ hramadzianskaj supolnaści».
