Piatro Parašenka ŭšanavaŭ pamiać zahinułych, stojačy na kaleniach la Viečnaha ahniu ŭ Kijevie. Jon uskłaŭ kvietki da Viečnaha ahniu i mahiły Nieviadomaha Sałdata ŭ stalicy Ukrainy 8 maja, paviedamlaje pres-słužba prezidenta Ukrainy.
Mierapryjemstvy z nahody Dnia pamiaci i prymireńnia i Dnia pieramohi nad nacyzmam u Druhoj suśvietnaj vajnie va Ukrainie, jak i ŭ krainach Jeŭropy, ciapier adbyvajucca 8 maja.
Razam z Parašenka va ŭračystym pamiatnym šeści ŭdzielničali vieterany Druhoj suśvietnaj vajny i vieterany ATA, narodnyja deputaty Ukrainy, členy ŭrada, pradstaŭniki ŭsich relihijnych kanfiesij Ukrainy.
Udzielniki cyrymonii ŭšanavali pamiać zahinułych hierojaŭ chvilinaj maŭčańnia. Zaviaršyŭ cyrymoniju ŭračysty marš roty Hanarovaj varty.
Parašenka pahutaryŭ ź ludźmi, jakija pryjšli ŭšanavać pamiać zahinułych hierojaŭ i addać daninu pavahi vieteranam Druhoj suśvietnaj vajny i vieteranam ATA.