Ratavalniki vyciahnuli ź liŭnievaha kałodzieža pjanuju žančynu.
Jak paviedamlaje Viciebskaje abłasnoje ŭpraŭleńnie MNS, infarmacyja pra niaščasny vypadak pastupiła 9 maja ŭ 23.45 u centr apieratyŭnaha kiravańnia UMNS. Na miescy ratavalniki vyjavili ŭ liŭnievym bietonnym kałodziežy na hłybini 2,5 mietra žančynu 1990 hoda naradžeńnia.
Pry dapamozie leśvicy i trynožki vyratavalnaj ź labiodkaj paciarpiełuju padniali na pavierchniu i pieradali bryhadzie chutkaj miedycynskaj dapamohi. Dla dalejšaha abśledavańnia žančynu dastavili ŭ abłasnuju balnicu.
Rastłumačyć, jak jana apynułasia ŭ kałodziežy, paciarpiełaja nie zmahła, pakolki, pavodle papiarednich dadzienych, znachodziłasia ŭ stanie ałkaholnaha apjanieńnia.
0
0
0
0
0
0
