Parłamient Irana pryniaŭ zakon, jaki abaviazvaje ŭrad zapatrabavać ad ZŠA kampiensacyj za «złačynstvy suprać krainy», učynienyja ŭ apošnija 65 hadoŭ.
Adnym z takich złačynstvaŭ členy miedžlisa nazvali ŭdzieł śpiecsłužbaŭ ZŠA ŭ źviaržeńni premjer-ministra Machamieda Masadyka ŭ žniŭni 1953 hoda.
Jak miarkujuć ekśpierty, zakonaprajekt byŭ pryniaty ŭ adkaz na niadaŭniaje rašeńnie Viarchoŭnaha suda ZŠA, zhodna ź jakim Tehieran pavinien vypłacić 2 młrd dalaraŭ paciarpiełym i svajakam zahinułych pry napadach, arhanizavanych, jak ličać u Vašynhtonie, iranskim uradam.
U pryvatnaści, havorka idzie pra vybuch kazarmaŭ z marpiechami ZŠA ŭ Biejrucie ŭ 1983 hodzie.
Tehieran nazvaŭ hetaje rašeńnie «razbojem ź vialikaj darohi».
Niekatoryja iranskija parłamientaryi ŭ adkaz na rašeńnie amierykanskaha sudu prapanavali zachoplivać amierykanskija karabli ŭ Armuzskim pralivie.
