U Minsku ź vizitam znachodziacca pradstaŭniki Dziaržaŭnaha Departamientu ZŠA Brydžyt Brynk i i Robiert Biarščynski.
Brydžyt Brynk i časovy pavierany ŭ spravach ZŠA Skot Rołand. Fota amierykanskaj ambasady
Siońnia Brynk, jakaja zajmaje pasadu namieśnika kiraŭnika Dziarždepa pa spravach Jeŭropy i Jeŭrazii, sustrełasia z žurnalistami.
Jana skazała, što napiaredadni ŭžo mieła sustreču z Makiejem, Jarmošynaj i pradstaŭnikami apazicyi.
Brynk była vielmi ścipłaj u svaich acenkach i słovach. Skazała tolki, što ŭłady Biełarusi adkrytyja da dyjałohu.
Tut majecca na ŭvazie pytańnie pravoŭ čałavieka i prazrystaści vybaraŭ.
«My vielmi zadavoleny słovami kiraŭnika CVK pra toje, što na majučych adbycca parłamienckich vybarach buduć realizavanyja niekatoryja rekamiendacyi ABSIE», — skazała Brynk.
Taksama pradstaŭnica Dziarždepa dadała, što los prypynienych sankcyj u dačynieńni da Biełarusi pakul nieviadomy.
«Ci zdymuć ich kančatkova, zaležyć ad vynikaŭ parłamienckaj kampanii», — padkreśliła Brynk.
Pry hetym, pavodle jaje, hałoŭnaje — nie peŭnyja ludzi ŭ parłamiencie, a prazrystaść pracesu.