Ministerstva hramadzianskaj avijacyi paviedamiła, što vajennaje padraździaleńnie atrymała sihnał biedstva z abstalavańnia A320, jaki vykonvaŭ rejs EgyptAir z Paryža ŭ Kair, pieradaje Reuters sa spasyłkaj na zajavu pradstaŭnika viedamstva.
Sihnał byŭ atrymany prykładna ŭ 04:26 pa miascovym časie (05:26 pa Minsku). Pry hetym raniej paviedamlałasia, što samalot źnik z radaraŭ u 02:45 pa miascovym časie.
Ab atrymańni sihnału biedstva taksama havorycca ŭ Twitter avijakampanii EgyptAir. U kampanii ŭdakładnili, što jaho zafiksavała padraździaleńnie, jakoje ŭdzielničaje ŭ pošukach pavietranaha sudna.
U svaju čarhu, raniej va ŭpraŭleńni pavietranym rucham Hrecyi paviedamili, što ŭ toj čas, jak A320 znachodziŭsia ŭ hrečaskaj prastory, ekipaž nie paviedamlaŭ ab jakich-niebudź prablemach na borcie. Suviaź z łajnieram była stračanaja praź dźvie chviliny paśla taho, jak jon pakinuŭ prastoru Hrecyi. U apošni raz jon vychodziŭ na suviaź za 10 chvilin da źniknieńnia.