Fota Antona Matolki.
Leta ŭsio bližej, i, kali vy jašče nie zadumvalisia ab płanach na žnivień, to ciapier samy čas. Ad 12 da 14 žniŭnia na zialonym łuzie la Mirskaha zamka projdzie samy atmaśfierny muzyčny fest Biełarusi – Mirum Music Festival.
Mirum Music Festival zaŭsiody ciešyŭ svaich haściej składam muzykaŭ, i hety hod nie vyklučeńnie.
Chedłajnierami stanuć ukrainskija hurty The HARDKISS i ONUKA, a taksama pijaniery brytanskaj acid-jazz sceny Red Snapper.
Hurt ONUKA ŭžo vystupaŭ na fiestyvali letaś, adnak paŭtor adnaho z chedłajnraŭ staŭ svojeasablivaj tradycyjaj., jakaja pačałasia ź Nino Katamadze ŭ 2014-m i 2015-m hadach.
«My byli pryjemna ździŭleny reakcyjaj našych haściej na vystup ONUKA, dy i sami atrymali nievierahodnaje zadavalnieńnie, jakoje chaciełasia pieražyć jašče raz. Heta nadzvyčajnaja muzyka, jakoj chočacca dzialicca znoŭ i znoŭ», – kamientuje Jahor Zacharka, hałoŭny arhanizatar fiestyvalu.
Ukrainskaja hrupa The HARDKISS vystupić u Biełarusi ŭpieršyniu. Na radzimie kalektyŭ nazyvajuć adnoj z najiaskraviejšych źjaŭ muzyčnaj sceny.
Jakasnaje hučańnie, stylnyja i zapaminalnyja sceničnyja vobrazy dy nadzvyčajny svajoj mahutnaściu i pryhažościu hołas salistki robiać svaju spravu.
Red Snapper – heta lehienda. Tut mała što možna skazać, treba pryjazdžać i słuchać. Taksama abjaŭleny cikavy ŭkrainski hurt «Vahonovožatyje».
Ź biełaruskich hurtoŭ anansavany šmatspadzieŭny NAVI.
Jany vykonvajuć nievierahodna ščyruju i ciepłuju muzyku. Arhanizatary ŭpeŭnieny, što miełodyi, teksty, hałasy ŭdzielnikaŭ hurtu naŭrad ci kahości pakinuć abyjakavymi.
Jak i ŭ minułyja hady, hości fiestyvalu zmohuć spynicca ŭ adnoj z haścinic Mira (braniravać raim zahadzia, bo miescaŭ mała, a achvočych šmat) ci ŭ ahrasiadzibie. Taksama možna pryvieźci z saboj namiot abo na miescy ŭziać namiotavaje abstalavańnie ŭ arendu.
Arhanizatary abiacajuć vialiki i raznastajny fudkort, mnostva zabaŭ jak dla dziaciej, tak i dla darosłych.
Kvitki na pieršy, druhi ci abodva dni možna nabyć na kvitki.by, a taksama biez kamisii ŭ raspaŭsiudnikaŭ u Minsku (+37529 6365635), Hrodnie (+37533 6810441) i Breście (+37529 6065056).
Ceny na kvitki: za adzin fiestyvalny dzień 12-je abo 13-je žniŭnia - 200 tysiač rubloŭ. Kvitok na dva hetyja dni razam — 390 tysiač. Uvaha: heta ceny tolki na pieršyja 700 kvitkoŭ. Treci fiestyvalny dzień 14 žniŭnia, Mirum afterparty, — biaspłatny. Na im zmohuć prysutničać hości ź lubym kvitkom na papiarednija dni.
Bolš padrabiaznaja infarmacyja ŭ aficyjnych supołkach va vkontakte i facebook, a taksama na sajcie fiestyvalu.
