Ciapierašniaja situacyja na ŭschodzie Ukrainy maje patrebu ŭ novych inicyjatyvach, pažadana duchoŭnych. Takoje mierkavańnie vykazaŭ Alaksandr Łukašenka ŭ intervju žurnalistam u Vatykanie paśla sustrečy z Papam Rymskim Franciškam.
Pavodle słoŭ kiraŭnika biełaruskaj dziaržavy, na sustrečy pantyfik cikaviŭsia situacyjaj u rehijonie, asabliva ŭ suviazi z kanfliktam va Ukrainie.
«Ja vykazaŭ svaju pazicyju, što ciapierašni stan, situacyja na ŭschodzie Ukrainy, maje patrebu ŭ novych inicyjatyvach, i pažadana duchoŭnych», — zajaviŭ biełaruski lidar. Alaksandr Łukašenka miarkuje, što miratvorčamu pracesu ŭ tym liku spryjała b sustreča Papy Rymskaha i Patryjarcha Ruskaj pravasłaŭnaj carkvy.
«U dadzienym vypadku ja zaprasiŭ ich u Biełaruś. Zaprasili b śviataroŭ i jeŭrapiejskich, i ŭkrainskich, i rasijskich, i našych. Sieli b, pahavaryli, a potym usio razam pierad miljonami pałomnikaŭ pamalilisia by ŭ imia miru», — skazaŭ biełaruski lidar.
«Miarkuju, što dobraja była b inicyjatyva u raźvićcio minskich damoŭlenaściej», — dadaŭ Alaksandr Łukašenka.
