Arhanizacyi Biełarusi ŭ studzieni-sakaviku 2016 hoda spracavali biez prybytku. Pavodle Nacyjanalnaha statystyčnaha kamiteta, čystaja strata ŭsich arhanizacyj skłała 1,2 trłn rubloŭ suprać prybytku ŭ 11 trłn u studzieni-sakaviku 2015 hoda. Prybytak da padatkaabkładańnia skłała 2,5 trłn (U studzieni-sakaviku 2015 hoda - 15,6 trłn).
Kolkaść stratnych arhanizacyj Biełarusi ŭ studzieni-sakaviku 2016 hoda ŭ paraŭnańni z takim ža letašnim pieryjadam vyrasła ad 1.553 da 2.138, udzielnaja vaha ŭ ahulnaj kolkaści arhanizacyj — ad 20,3 da 27,9%.
Prybytak ad realizacyi źniziłasia na 8,6% da 26,6 trłn rubloŭ.
Sabiekošt realizavanaj pradukcyi, tavaraŭ, rabot, pasłuh pavialičyłasia na 15,5% da 332,5 trłn rubloŭ.
Vyručka ad realizacyi pradukcyi, tavaraŭ, rabot, pasłuh arhanizacyj krainy ŭ biahučych cenach skłała 412,2 trłn rubloŭ, abo na 13,5% bolš, čym za studzień-sakavik 2015 hoda.
Rentabielnaść prodažu za studzień-sakavik 2016 hoda skłała 6,5% suprać 8% za studzień-sakavik 2015 hoda, rentabielnaść realizavanaj pradukcyi - 8% suprać 10,1%.
Biełaruskija ekanamisty tłumačać rezki rost strat pradpryjemstvaŭ vysokaj zakredytavanaściu i padzieńniem prodažaŭ na asnoŭnym rynku zbytu — rasiejskim.
