Pra heta paviedamiła śpiecyjalist pa suviaziach z hramadskaściu prajekta «Sadziejničańnie pierachodu Respubliki Biełaruś da «zialonaj «ekanomiki» Vieranika Fijałkoŭskaja. Hulnia dla mabilnych telefonaŭ raspracavanaja ŭ miežach prajekta, jaki finansujecca Jeŭrapiejskim sajuzam i realizujecca Prahramaj raźvićcia AAN.
Novy dadatak ujaŭlaje saboj kompleks ź piaci hulniaŭ, pryśviečanych roznym napramkam «zialonaj» ekanomiki — enierhietyka, ekaturyzm, abychodžańnie z adkidami, transpart, łatareja.
«Hulnia raspracavana dla taho, kab prademanstravać važnaść ekałahična družalubnych pavodzinaŭ pradstaŭnikam roznych metavych hrup, - adznačyła Vieranika Fijałkoŭskaja. - Prostaje kiravańnie, zrazumiełyja praviły i jaskravy dyzajn zmohuć pryciahnuć uvahu karystalnikaŭ roznaha vieku». Hulniu zmohuć spampavać biaspłatna karystalniki telefonaŭ z roznymi płatformami (Android, iOS, Windows), dadała śpiecyjalist.