Pieršy i apošni prezident Savieckaha Sajuza ličyć dałučeńnie Kryma da Rasii pravilnym rašeńniem. U razmovie z The Sunday Times Michaił Harbačoŭ adznačyŭ, što pastupiŭ by dakładna hetak ža, jak prezident Rasii Uładzimir Pucin, kali b apynuŭsia u takoj samaj sytuacyi. «Ja zaŭsiody za svabodnuju volu ludziej, a bolšaść u Krymie chacieła uźjadnacca z Rasiejaj», — ličyć Harbačoŭ.
Žurnalist ST usumniŭsia, što palityk pajšoŭ by na taki krok, nahadaŭšy, što Harbačoŭ spryjaŭ padzieńniu Bierlinskaj ściany. «Adzinaja sapraŭdnaja pryčyna, pa jakoj ja nie staŭ by hetaha rabić, heta kali b ja ŭsio jašče byŭ va ŭładzie, Saviecki Sajuz isnavaŭ i Krym byŭ by jaho častkaj», - padkreśliŭ pieršy prezident SSSR.
U časie intervju Harbačoŭ zajaviŭ, što ZŠA radavalisia raspadu SSSR. «Pad stałom amierykancy z radaściu pacirali ruki», - skazaŭ jon. Pa słovach Harbačova, jon škaduje ab tym, što «vialikaja kraina ź vielizarnymi mahčymaściami i resursami źnikła». «Bolšaść rasiejcaŭ dumajuć, jak ja: jany nie chočuć viarnuć jaje, ale hłyboka škadujuć, što jana razburyłasia», — skazaŭ na zakančeńnie eks-prezident SSSR.
U razmovie z The Sunday Times Harbačoŭ taksama raspavioŭ ab biahučych adnosinach z Uładzimiram Pucinym, jakoha raniej, jak adznačaje hazieta, jon krytykavaŭ za zanadta doŭhaje znachodžańnie va ŭładzie. «Ja niadaŭna bačyŭ Pucina na mierapryjemstvie. U nas zaŭsiody byli narmalnyja adnosiny. Ciapier ja b nie apisaŭ ich jak narmalnyja — u nas ich prosta niama», — skazaŭ Harbačoŭ.
