 |
Hety dzień mieŭ być radasnym
U himnazii №23 u Varšavie mieła adbycca ŭračystaść nadańnia škole imia spadaryni Sendler. Uračystaść pavinna była pačacca siońnia ab 11‑j, i škoła nie planavała źmienaŭ u prahramie.
Padčas II suśvietnaj vajny, Irena Sendler vyratavała kala 2.5 tysiačaŭ habrejskich dziaciej z varšaŭskaha hieta.
U adzieńni medsiastry vyvoziła dziaciej z hieta
Irena Sendler naradziłasia 15 lutaha 1910 u Atvocku. Pierad vajnoj vyvučała palanystyku, supracoŭničała z Polskaj sacyjalistyčnaj partyjaj. Padčas akupacyi pracavała ŭ strukturach achovy zdaroŭja. Ad vosieni 1943 h. sp-nia Sendler kiravała dziciačaj sekcyjaj u Radzie dapamohi habrejam «Žehota».
Paśla rašeńnia niemcaŭ pra likvidacyju hieta, raspačała razam z kalehami akcyju pa vyvazie adtul dzietak dy raźmiaščeńni ich u polskich siemjach, prytułkach i klaštarach. U adzieńni miedsiastry, jana pryjaždžała medycynskim transpartam na terytoryju hieta.
Dzieciam davali ŭsyplalnyja srodki, ich składali ŭ skrutki albo skrynki j pieravozili na «aryjski» bok, tłumačačy hiestapaŭcam, što dzieci pamierli ad tyfu. U hety sposab było vyratavana kala 2.5 tysiačaŭ dziaciej. Źviestki pra dziaciej, zašyfravanyja j schavanyja ŭ słoikach, pieražyli vajnu, dziakujučy čamu možna pa jaje zakančeńni małych było mahčyma identyfikavać.
U 1943 hodzie Irena Sendler była aryštavanaja hiestapa. Jaje katavali j asudzili na śmierć. Ale dziejačam «Žehoty» ŭdałosia padkupić achoŭnikaŭ, i spadarynia Sendler paźbiehła rasstrełu.
Paśla 1945 hoda jana pracavała ŭ adździele achovy zdaroŭja Varšavy.
U 1983 hodzie instytut «Jad va‑Šem» nadaŭ Irenie Sendler zvańnie Praviednicy siarod narodaŭ śvietu, a ŭ 1991 hodzie jana stała hanarovaj hramadziankaj Izraila.
Naminavałasia na Nobela
U 2006 była naminavanaja na Nobeleŭskuju premiju mira. Kandydaturu vysunuŭ amerykanski nastaŭnik Norm Konrad pry padtrymcy polskaha prezydenta Lecha Kačynskaha j premjera Izraila Echuda Olmerta.
14 sakavika 2007 hodu Senat Rečy Paspalitaj uhanaravaŭ Irenu Sendler i Radu Dapamohi Habrejam. U krasaviku 2007 spadarynia Sendler była adznačanaja Ordenam Uśmieški, a ŭ traŭni taho ž hoda atrymała tytuł Hanarovaj žycharki Varšavy.
Irenie Sendler było 98 hadoŭ.
