U Salihorsku ratavalniki likvidavali ŭciečku salanaj kisłaty z cysterny, paviedamili ŭ pres-słužbie MNS.
A 7-j hadzinie viečara 27 maja ŭ MNS pastupiła paviedamleńnie pra vyjaŭleńnie ciečy salanaj kisłaty z cysterny na čyhunačnaj stancyi «Kalij-3». Paśla prybyćcia padraździaleńniaŭ MNS nazirałasia kisłotnaja para pablizu cysterny, u suviazi z čym pravodzilisia zamiery stanu pavietra. Na adlehłaści 40 m ad cysterny ŭsie pakazčyki byli ŭ normie.
Ratavalniki stvaryli zasłonu vady, i nakłali bandaž (u vyhladzie śpiecyjalnaha kisłotastojkaha płastyru) dla likvidacyi ciečy. Paźniej pryhnali druhuju čyhunačnuju cysternu i pierapampavali kisłatu.
Raboty zavieršany a 02:50. Pryčyna ciečy vyśviatlajecca.
0
0
0
0
0
0