Siońnia va ŭsich škołach Biełarusi projduć uračystyja mierapryjemstvy. Hety dzień kožnaja navučalnaja ŭstanova adznačaje pa-svojmu, ale niaźmiennymi jaho atrybutami źjaŭlajucca kvietki, pažadańnia starejšych i raźvitalny školny zvanok.
Vypusknyja ekzamieny pa zaviaršeńni navučańnia i vychavańnia na II i III stupieniach ahulnaj siaredniaj adukacyi projduć z 1 pa 11 červienia. Ekzamieny ŭ piśmovaj formie buduć pačynacca ŭ 9 hadzin. U 2016 hodzie akramia abviaščeńnia pa telebačańni i radyjo teksty i zadańni buduć raźmieščany na partale Ministerstva adukacyi (edu.gov.by).
Dzieviacikłaśniki buduć zdavać try vypusknyja ekzamieny: abiedźvie dziaržaŭnyja movy (biełaruskaja i ruskaja) i matematyku. Usie ekzamieny — u piśmovaj formie. Pa movach jany napišuć dyktoŭku, pa matematycy — kantrolnuju pracu. Vypuskniki 11 kłasa zdaduć 4 ekzamieny: adna dziaržaŭnaja mova pa vybary (u formie vykładańnia), matematyku (kantrolnaja rabota), zamiežnuju movu i historyju Biełarusi (u vusnaj formie).
U 2015/2016 navučalnym hodzie ŭ krainie pracavała bolš za 3 tys. ustanoŭ ahulnaj siaredniaj adukacyi, u jakich navučalisia zvyš 950 tys. čałaviek. Dla navučencaŭ 1-8 kłasa navučalny hod zaviaršajecca 31 maja, z 1 červienia pačynajucca kanikuły.
Navučency 10-ch kłasaŭ adpraviacca na kanikuły paśla taho, jak jany projduć vučebna-palavyja zbory (junaki) abo miedpraktyku (dziaŭčyny) na praciahu piaci dzion, praduhledžanyja typavym navučalnym płanam i prahramaj pa pradmiecie «Dapryzyŭnaja miedycynskaja padrychtoŭka».
U hetym hodzie ŭ škołach navučalisia 90,7 tys. dzieviacikłaśnikaŭ i 57,4 tys. adzinaccacikłaśnikaŭ.
