Upraŭleńniem Śledčaha kamiteta pa Hrodzienskaj vobłaści raspačata kryminalnaja sprava pa fakcie nienaležnaha vykanańnia prafiesijnych abaviazkaŭ miedycynskimi rabotnikami, što paciahnuła pa nieaściarožnaści śmierć pacyjenta (č.2 art. 162 Kryminalnaha kodeksa Respubliki Biełaruś).
Kala 16 hadzin 31 maja ŭ dziciačaj paliklinicy №1 Hrodna paśla ŭviadzieńnia kambinavanaj vakcyny suprać adzioru, paratytu i krasnuchi rezka pahoršyŭsia stan zdaroŭja ŭ 6-hadovaj dziaŭčynki, žycharki abłasnoha centra. Niahledziačy na akazanuju miedycynskuju dapamohu, jana pamierła ŭ prysutnaści svajoj maci.
Śledčyja praviali ahlad miesca zdareńnia. U chodzie jaho kanfiskavany ampuły z vakcynami, vykarystanyja ampuły i šprycy, a taksama miedycynskija preparaty z kabinieta pryščepak. Akramia taho da materyjałaŭ kryminalnaj spravy dałučany dla vyvučeńnia ŭsia miedycynskaja dakumientacyja, finansava-buchhałtarskija dakumienty na atrymańnie vakcyn.
Pryznačana sudova-miedycynskaja i šerah inšych ekśpiertyz. Dapytvajucca miedycynskija rabotniki palikliniki, pacyjenty.
Miery strymańnia da miedycynskich rabotnikaŭ nie ŭžyvalisia. Rasśledavańnie kryminalnaj spravy praciahvajecca.
