Mužčyna na aŭtamabili Jaguar XF razahnaŭsia u Minsku da 179 km/h, paviedamiła staršy inśpiektar pa ahitacyi i prapahandzie ADAI Frunzienskaha RUUS Minska Alena Vołčak.
«Kala 22.30 1 červienia ekipaž darožna-patrulnaj słužby kantralavaŭ chutkasny režym pablizu doma №106 pa vulicy Prytyckaha. Raptam mima inśpiektaraŭ na vielizarnaj chutkaści praniesłasia mašyna. Radar supracoŭnikaŭ DAI zafiksavaŭ, što jana ruchajecca z chutkaściu 179 km/h», — skazała Alena Vołčak.
«Jahuar» spynili. Vyśvietliłasia, što za rulom aŭtamabila znachodzicca hramadzianin Armienii 1982 hoda naradžeńnia. Biełaruskaha dazvołu na žycharstva jon nie maje.
Alena Voŭčak adznačyła, što raniej armianin ahułam kala 20 raz parušaŭ praviły darožnaha ruchu na terytoryi Biełarusi. U 2012 hodzie mužčynu na try hady pazbavili pravoŭ za kiravańnie ŭ stanie ałkaholnaha apjanieńnia ŭ Minsku. Darečy, paśviedčańnie kiroŭcy Armienii ŭ jaho jość, a biełaruskija pravy jon tak i nie adnaviŭ.
Hramadzianinu Armienii pahražajuć bujnyja štrafy za pieravyšeńnie chutkaści (da 15 bazavych vieličyń) i paŭtornaje parušeńnie praviłaŭ darožnaha ruchu (da 20 bazavych vieličyń). Pa słovach mužčyny, lichačyć u haradskoj miažy jaho prymusiŭ spartyŭny intares: jon vyrašyŭ paspaborničać z matacyklistam. Adnak nijakaha matacyklista inśpiektary DPS u akruzie nie bačyli.
