Stypiendyjalnaja prahrama imia Kalinoŭskaha na navučańnie ŭ Varšaŭskim Univiersitecie mocna źmianiajecca. Pra heta paviedamlajecca na sajcie Uschodniejeŭrapiejskaha instytuta Varšaŭskaha Univiersiteta.
Źmieny zakranuć tych asob, jakija źbirajucca padavacca na prahramu Kalinoŭskaha pieršaj i druhoj stupieni. Nabor na ich prypyniajecca paśla 2016/2017 navučalnaha hoda.
Urad abiacaje praciahnuć finansavańnie piacihadovaj adukacyi tym studentam, jakija ŭžo vučacca na prahramie.
Razam z tym z novaha navučalnaha hoda płanujecca nabor užo na novuju prahramu. Jana budzie nazyvacca «Stypiendyjalnaja prahrama ŭradu Polščy imia Kastusia Kalinoŭskaha II».
Adna ź inicyjataraŭ prahramy Kalinoŭskaha Inna Kulej kaža, što ŭsia infarmacyja pra źmieny pakul nie aficyjnaja:
«Pa ŭsich pytańniach pakul iduć pieramovy. I pa novaj prahramie, i pa staroj prahramie. Pakul havaryć niama pra što».
Pa słovach Kulej, aficyjnyja zajavy źjaviacca nie raniej za siaredzinu červienia.