Pa słovach kiraŭnika Banka Anhlii Marka Kerni, novyja banknoty buduć «čyściejšymi, biaśpiečniejšymi i tryvalejšymi». «Palimiernyja banknoty pieraniasuć, kali na ich kapnuć bardo, strasianuć popieł z cyhary, abo kali ich pažuje buldoh ci navat kali zahruziać u pralnuju mašynu», — pryvodzić słovy bankira Bloomberg.
Pieršyja płastykavyja kupiury pastupiać u abaračeńnie 13 vieraśnia. U nastupnym hodzie Bank Anhlii płanuje vypuścić banknotu ŭ 10 funtaŭ z vyjavaj piśmieńnicy Džejn Ościn, a da 2020 hoda - u 20 funtaŭ z partretam žyvapisca Uiljama Terniera.
U banku adznačyli, što novyja kupiury daŭhaviečniej papiarovych u dva z pałovaj razy.
Papiarovyja piać funtaŭ, na jakich adlustravanaja dziajačka Elizabet Fraj, ušanavanaja ŭ karaleŭstvie za jaje namahańni pa reformie turemnaj sistemy, pierastanuć być zakonnym płaciežnym srodkam u mai 2017 hoda. Paśla hetaha ich pryjdziecca abmieńvać ŭ Centralnym banku.