Ministerstva zamiežnych spraŭ RF pamyłkova adpraviła rekamiendacyju nie davać intervju japonskaj haziecie «Sankej» u redakcyju samoj haziety.
Maryja Zacharava, fota kommersant.ru
Zhodna z adkrytym listom u adras aficyjnaha pradstaŭnika MZS Rasii Maryi Zacharavaj, apublikavanym na sajcie haziety «Sankej», dadzienaja rekamiendacyja, vidać, pryznačałasia adnamu z rasijskich viedamstvaŭ, cytuje paviedamleńnie redakcyi žurnalist Alaksiej Kavaloŭ.
«Hazieta «Sankej» siarod asnoŭnych drukavanych vydańniaŭ Japonii zajmaje asabliva krajniuju pazicyju, źjaŭlajučysia nacyjanalistyčna nakiravanaj. U mnohich artykułach pra Rasiju ŭtrymlivajecca krytyka, časam napadki, nieadnarazovaje skažeńnie realnaści, pieradajecca niehatyŭny punkt hledžańnia. Abapirajučysia na antyrasijski styl padačy apošniaha času, my rekamiendujem nie davać intervju hetamu vydańniu», — cytuje redakcyja haziety elektronny list MZS RF, jaki patrapiŭ u redakcyju hetaj samaj «nacyjanalistyčna nakiravanaj» haziety.
Redaktar hetaj haziety, u svaju čarhu, vykazaŭšy niazhodu z punktam hledžańnia MZS RF, kanstatavaŭ: «Ministerstva zamiežnych spraŭ, jakoje kuryruje źniešnija suviazi Rasii, vialikaj krainy, dapuskaje takija elemientarnyja pamyłki, jak adpraŭka aficyjnaha lista nie tamu adrasatu. Zastajecca tolki zrabić vysnovu, što apošnim časam dziaržaŭnyja ŭstanovy Rasii z takoj starannaściu da samazabyćcia iduć za Jaho Pravaschadzicielstva Prezidentam, što stracili chvatku ŭ sapraŭdnych spravach».
Pradstaŭnik MZS RF Maryja Zacharava pasprabavała rastłumačyć kanfuz, abvinavaciŭšy japonskuju hazietu ŭ prysvajeńni «čužoha lista»:
«Da nas rehularna źviartajucca albo žurnalisty, albo hramadskija arhanizacyi z prośbaj vykazać mierkavańnie pra jakija-niebudź zamiežnyja ŚMI, jakija akredytavanyja ŭ Maskvie… Da nas kala miesiaca tamu byŭ zvarot adnosna mahčymaści supracoŭnictva z hazietaj «Sankej simbun». My praanalizavali materyjały hetaj haziety za apošnija niekalki miesiacaŭ i dali svajo zaklučeńnie, jakoje farmulavałasia takim čynam: pakolki bolšaść materyjałaŭ maje adkryta anhažavany i krytyčny charaktar (u kantekście skažeńnia faktaŭ), a časam navat ahresiŭnyja materyjały ŭ ich publikujucca, to my ličym niemetazhodnym uzajemadziejańnie z hetaj hazietaj», — cytuje Zacharavu Dožd́.
Pavodle jaje słoŭ, hety «list nie naležaŭ haziecie, heta nie list, jaki pryznačaŭsia im. Heta čužoje piśmo. Jany paličyli mahčymym sabie prysvoić jaho…»
Pradstaŭnik MZS RF taksama ličyć, što, «hazieta, kali daviała da ahulnaha viedama hety list, ździejśniła antypijar u adnosinach da siabie».
