Stanisłaŭ Šuškievič |
U Hdańsku eks‑staršynia Viarchoŭnaha Savietu Biełarusi Stanisłaŭ Šuškievič byŭ uhanaravany Hołubam Miru — pierachodnaj uznaharodaj za zasłuhi ŭ baraćbie za mir i pravy čałavieka.
Premiju Stanisłavu Šuškieviču ŭručyŭ były prezydent Polščy, laŭreat Nobeleŭskaj premii Lech Vałensa.
«Heta jak u saviecki čas atrymać pierachodny čyrvony ściah, ale tut hety hołub — heta zusim inšaje, persanalnaje, i kali heta było ŭ rukach takich ludziej jak Vacłaŭ Havał, Lech Vałensa, Ježy Buzek, to ja vielmi hetym hanarusia. Ščyra kažučy, ja jašče nia vielmi ŭśviadomiŭ, što treba rabić z hetaje nahody, ale toje, što papiarednija ŭładary hetaha pryzu vyrašyli, što niejki moj uniosak u spravu miru byŭ adčuvalnym, to dla mianie heta, ščyra kažučy, vialiki honar», — kaža Stanisłaŭ Šuškievič.
Hetaja ŭznaharoda była zasnavanaja z nahody 60‑hodździa pryniaćcia Deklaracyi pravoŭ čałavieka.