Ministr zamiežnych spraŭ RF Siarhiej Łaŭroŭ zapeŭnivaje, što Rasija nie płanuje «napadać na krainy NATA».
Pra heta jon skazaŭ na sumiesnaj sa svaim finskim kaleham pres-kanfierencyi ŭ Maskvie.
«Pierakanany, što ŭsie surjoznyja i sumlennyja palityki viedajuć, što nikoli Rasija nie budzie napadać na jakuju-niebudź krainu — siabra Paŭnočnaatłantyčnaha aljansu. U nas nijakich takich płanaŭ nie isnuje. Dumaju, u NATA heta vydatna viedajuć, ale prosta karystajucca nahodaj, kab pabolš techniki i bataljonaŭ raźmiaścić, pierš za ŭsio, jak harantyju taho, što ZŠA pa-raniejšamu buduć pryhladać za ŭsioj hetaj «palanaj», — zajaviŭ Łaŭroŭ.
Nahadajem, 25 maja Łaŭroŭ, kažučy pra pašyreńnie NATA, zajaviŭ, što rasijski bok budzie prymać usie nieabchodnyja kroki «dla adbićcia ryzyk i pahroz, jakija ŭźnikajuć dla nacyjanalnaj biaśpieki krainy».
