U vyniku vybuchu, što prahrymieŭ la aŭtobusnaha prypynka ŭ centry Stambuła, u papularnym u turystaŭ kvartale Bajazyt, zahinuli prynamsi 11 čałaviek, paviedamlajuć tureckija ŚMI.
Siarod zahinułych siamiora palicyjantaŭ i čaćviora mirnych žycharoŭ. Bolš za 30 čałaviek atrymali ranieńni.
Pavodle śviedčańniaŭ vidavočcaŭ, vybuch adbyŭsia ŭ ranišni čas pik. U hety momant mima prypynku prajazdžaŭ palicejski aŭtobus.
Ciapier na miescy vybuchu zaraz znachodziacca niekalki aŭtamabilaŭ palicyi i chutkaj dapamohi. Adkaznaść za vybuch pakul na siabie nichto nie ŭziaŭ.
Pa papiarednich dadzienych, vybuchovaje prystasavańnie było pryviedziena ŭ dziejańnie dystancyjna. Na kadrach, demanstravanych pa miascovym telebačańni, bačny pakarežany aŭtobus i paškodžanyja fasady bližejšych damoŭ.
