Namieśnik premjer-ministra Biełarusi Uładzimir Siamaška i staršynia praŭleńnia publičnaha akcyjaniernaha tavarystva «Hazprom» Alaksiej Miler na rabočaj sustrečy ŭ Maskvie razhledzieli aktualnyja pytańni supracoŭnictva ŭ hazavaj śfiery, paviedamili ŭ pres-słužbie rasijskaha hazavaha chołdynhu.
«Baki razhledzieli aktualnyja pytańni supracoŭnictva ŭ hazavaj śfiery. Było adznačana, što «Hazprom» całkam vykonvaje abaviazacielstvy pa nadziejnym hazazabieśpiačeńni Biełarusi ŭ abjomach, nieabchodnych biełaruskim spažyŭcam. Akramia taho, «Hazprom» zabiaśpiečvaje stabilny ŭzrovień tranzitu rasijskaha hazu.
«Hazprom transhaz Biełaruś» źjaŭlajecca najbujniejšym padatkapłacielščykam u Biełarusi, svoječasova i ŭ poŭnym abjomie ažyćciaŭlaje płaciažy ŭ biudžet, a taksama raźliki z «Hazpromam» za haz, što pastaŭlajecca z Rasii», — havorycca ŭ paviedamleńni «Hazproma».
