Maładaja para, jakuju zatrymali mazyrskija milicyjanty, maje rasijskaje hramadzianstva i na radzimie znachodziłasia ŭ vyšuku.
17-hadovuju dziaŭčynu ŭ Rasii doŭhi čas adšukvali jak bieź viestak źnikłuju, a jaje 20-hadovym suajčyńnikam cikaviłasia rasijskaja palicyja: chłopiec padazrajecca ŭ ździajśnieńni šerahu kradziažoŭ.
Jak paviedamlaje adździeł infarmacyi i hramadskich suviaziaŭ UUS Homielskaha abłvykankama, u Biełarusi, u pryvatnaści ŭ Homielskaj vobłaści, dziaŭčyna i chłopiec viali badziažnicki ład žyćcia, pierasoŭvalisia aŭtastopam i zarablali kradziažami z dačnych damoŭ i žylla piensijanieraŭ u Mazyrskim i Naraŭlanskim rajonach.
U ciapierašni čas zatrymanyja dali pryznalnyja pakazańni pa dzieviaci kradziažach. Supracoŭniki adździeła kryminalnaha vyšuku praciahvajuć rasśledavańnie, praviarajučy hetych asob na dačynieńnie da ździajśnieńnia inšych złačynstvaŭ u rehijonie.
