Ministerstva justycyi Biełarusi 10 červienia pryniało rašeńnie ab spynieńni dziejańnia śpiecyjalnaha dazvołu (licenzii) na prava ažyćciaŭleńnia dziejnaści pa akazańni ryełtarskich pasłuh, vydadzienaha tavarystvu z abmiežavanaj adkaznaściu «Centr handlu nieruchomaściu «Pakadan».
Takoje rašeńnie pryniata «ŭ suviazi z hrubymi parušeńniami licenzijatam zakanadaŭstva ab licenzavańni, licenzijnych patrabavańniaŭ i ŭmoŭ».
Jak adznačyli ŭ pres-słužbie, parušeńni vyjaŭlenyja padčas praviadzieńnia pravierki pa zvarocie hramadzianki sa skarhaj na niepravamiernyja dziejańni ryełtarskaj arhanizacyi «Centr handlu nieruchomaściu «Pakadan», zavysili ŭstanoŭlenyja zakanadaŭstvam taryfy (staŭki) na ryełtarskija pasłuhi.
Suma zavyšeńnia skłała 10 młn. 650 tys. rubloŭ.
Pastanovaj ekanamičnaha suda Minska ad 17 sakavika TAA «Centr handlu nieruchomaściu «Pakadan» pryciahnuta da administracyjnaj adkaznaści pa č. 2 art. 12.4 KaAP» za parušeńnie ŭstanoŭlenaha paradku prymianieńnia taryfaŭ (stavak) na ryełtarskija pasłuhi pa sadziejničańni pry zaklučeńni, vykanańni, spynieńni damovy kupli-prodažu abjekta nieruchomaści, što vyraziłasia ŭ zavyšeńni ustanoŭlenych dziejučym zakanadaŭstvam taryfaŭ (stavak) na ryełtarskija pasłuhi».
Viarchoŭny sud 12 maja pakinuŭ pastanovu ekanamičnaha suda Minska bieź źmieny, a skarhu «Pakadan» na dadzienuju pastanovu — biez zadavalnieńnia.
