Suchaputnyja vojski Amieryki całkam uzbrojacca 84-mm šviedskim hranatamiotam Carl Gustaf M3 — zbroja budzie ŭ kožnym piachotnym źviazie, piša partał janes.com.
janes.com
U amierykanskaj armii sistema atrymała dadatkovy akronim MAAWS (Multirole Anti-Armor Anti-Personnel Weapon System — Univiersalnaja supraćtankavaja i supraćpiachotnaja sistema ŭzbrajeńnia), bo maje ceły nabor roznametavych bojeprypasaŭ — ad fuhasnaha i fuhasna-askiepkavaha da supraćtankavaha, dymavoha i aśviatlalnaha.
Navučalnyja strelby z Carl Gustaf M3 u Afhanistanie
Całkam padrychtoŭka da pieraŭzbrajeńnia budzie zavieršanaja da kanca 2016 hoda, adnak ŭžo ciapier šviedskija hranatamioty byli atrymanyja asobnymi častkami armii i Nacyjanalnaj Hvardyi ZŠA.
Pierad hetym Carl Gustaf M3 užo doŭhi čas vykarystoŭvalisia siłami śpiecyjalnaha pryznačeńnia ZŠA, u tym liku ŭ apošnija hady - u Afhanistanie. Vidavočna, dośvied vykarystańnia ŭ składanych hornych umovach całkam zadavoliŭ amierykancaŭ.
militaryfactory.com
Hranatamiot važyć mienš za 10 kh i maje 3-kratny aptyčny pryceł. Ciapier iduć vyprabavańni ablehčanaj madyfikacyi M4, jakaja maje vahu da 6,7 kh.
U Biełarusi asnoŭnym typam šmatrazovaha piachotnaha hranatamiota zastajecca RPH-7 jašče savieckaj raspracoŭki, jaki źjaŭlajecca adnosna lohkaj i nadziejnaj zbrojaj, adnak naŭrad ci adpaviadaje sučasnym patrabavańniam pa trapnaści stralby i ŭniviersalnaści vykarystańnia.
Supraćtankavyja mahčymaści hranat RPH-7 taksama ŭžo nie adpaviadajuć uzroŭniu abarony sučasnych uzoraŭ ciažkaj braniatechniki.