U chodzie raptoŭnaj pravierki bojehatoŭnaści orhanaŭ vajennaha kiravańnia Uschodniaj, Centralnaj, Paŭdniovaj i Zachodniaj vajennych akruh, jakaja startavała napiaredadni, ruchomyja punkty kiravańnia ŭ samyja karotkija terminy byli pryviedzienyja ŭ bajavuju hatoŭnaść i ździejśnili maršy ŭ pryznačanyja rajony. Pra heta paviedamlaje Upraŭleńnie pres-słužby i infarmacyi Ministerstva abarony RF.
Palavyja punkty kiravańnia paśla razhortvańnia zabiaśpiečvajuć orhany vajennaha kiravańnia, jakija ŭdzielničajuć u praviercy radyjo, spadarožnikavaj, telefonnaj i telehrafnaj suviaźziu, havorycca ŭ paviedamleńni. Vuzłami suviazi ruchomych punktaŭ zabiaśpiečvajecca «ŭstojlivaje i bieśpierapynnaje prachodžańnie sihnałaŭ kiravańnia». Abstalavańnie ruchomych palavych punktaŭ kiravańnia hruntujecca na samachodnych šasi vialikahruznych aŭtamabilaŭ i bronietransparcioraŭ.
Napiaredadni ministr abarony Siarhiej Šajhu paviedamiŭ, što pa rasparadžeńni viarchoŭnaha hałoŭnakamandujučaha Uzbrojenymi siłami RF Uładzimira Pucina ranicaj u aŭtorak pačałasia raptoŭnaja pravierka bajavoj i mabilizacyjnaj hatoŭnaści orhanaŭ vajennaha kiravańnia, a taksama baz zachoŭvańnia ŭzbrajeńnia i vajennaj techniki. Asabliva adznačałasia, što raptoŭnaja pravierka, jakaja projdzie z 14 pa 22 červienia, budzie praviedzienaja z pryzyvam hramadzian, jakija znachodziacca ŭ zapasie.
U Minabarony taksama paviedamlajuć, što ŭ ramkach raptoŭnaj pravierki niekatoryja vajennyja kamisaryjaty atrymali sihnały na pryviadzieńnie ŭ bajavuju hatoŭnaść i «prystupili da adpracoŭki zadač pa pryzyvu z zapasu śpiecyjalistaŭ dla kamplektavańnia padraździaleńniaŭ baz zachoŭvańnia».
U pryvatnaści, supracoŭniki vajenkamataŭ apaviaščajuć hramadzian, jakija znachodziacca ŭ zapasie, kamplektujuć kamandy i dastaŭlajuć na punkty pryjomu voinskich častak. Kantraluje dziejnaść vajenkamataŭ Hienieralny štab VS RF.
«U vajennych kamisaryjatach adznačajuć vysokuju aktyŭnaść hramadzian i hatoŭnaść uziać udzieł u navučalnych mierapryjemstvach raptoŭnaj pravierki bajavoj hatoŭnaści», — havorycca ŭ paviedamleńni vajennaha viedamstva.
Presa, kamientujučy pačatak čarhovaj raptoŭnaj pravierki bojehatoŭnaści US, źviazvaje mierapryjemstvy z vajennymi manieŭrami NATA.
