Indyjana Džons zastaniecca ŭ žyvych u kancy novaha filma lehiendarnaj kinasahi, paviedamiŭ režysior Styvien Śpiłbierh. Premjera piataj častki namiečanaja na 2019 hod, hałoŭnuju rolu znoŭ syhraje Charysan Ford.
EPA
«Adzinaje, što ja vam mahu skazać — heta toje, što ja nie źbirajusia zabivać Charysana ŭ kancy filma», — skazaŭ Śpiłbierh u intervju vydańniu Hollywood Reporter.
Śpiłbierh, jaki pastaviŭ čatyry filmy pra pryhody archieołaha Indyjany Džonsa, taksama adznačyŭ, što vielmi zachopleny novym prajektam.
Film źjavicca na ekranach praz 11 hadoŭ paśla premjery čaćviortaj častki pryhodnickaj franšyzy, «Indyjana Džons i Karaleŭstva kryštalnaha čerapa», jakaja vyjšła ŭ prakat u 2008 hodzie. U sikvieła pakul niama nazvy.
Raniej Charysan Ford adznačaŭ, što jon daŭno zadumvaŭsia pra mahčymaść papracavać nad jašče adnym filmam pra Indyjanu Džonsa, adnak tolki ŭ tym vypadku, kali režysioram znoŭ budzie Śpiłbierh.
«Ja taksama nie chacieŭ by rabić heta biez pa-sapraŭdnamu dobraha scenara… Styvien pracuje nad scenarom, jaki, dumaju, nam vielmi spadabajecca», — skazaŭ jon.
Pieršy film pra Indyjanu Džonsa — «U pošukach stračanaha kaŭčeha» — vyjšaŭ u 1981 hodzie i staŭ adnym z samych kasavych karcin u historyi Halivuda.
