Majho siabra Jhon Silver, aŭtara błoha (sajta) 1863x.com čakaje sud.
Viedajecie, bolšaha patryjota ja, napeŭna, nie sustrakaŭ. Jon vydatna viedaje historyju (vyjhraŭ navat respublikanskuju alimpijadu pa suśvietnaj historyi). Lubiŭ svaju krainu. Uzdymaŭ temy, jakija byli niazručnyja ŭsim — i ŭładzie, i apazicyi. O, jak jon lubiŭ «prajścisia» pa našych hrantasosach tak, što «CaŭBiełka» mahła stajać u kutočku i smaktać łapu. Dastavałasia ŭsim.
A ŭspaminajecie historyju pra kazakoŭ u Biełarusi? Dyk Silvier adzin ź pieršych (kali nie pieršy), chto pačaŭ padymać pytańnie z hetymi kłoŭnami.
Pra nacysta Milčakova pamiatajecie? Nu heta toj, da jakoha vazili dziaciej našy papy na vajennyja zbory ŭsiakija — adna z apošnich jaho publikacyj da zatrymańnia. Čym skončyłasia, pamiatajecie? Razhromnaj kałonkaj u toj samaj «SaŭBiełcy».
Ale havorka zusim nie pra heta.
Pieršaje
Zatrymańnie ŭ mai 2015 hoda. Havorka pra toje, što, pa sutnaści, błohieru za vykazvańnie svaich dumak u Biełarusi inkryminujuć 2 artykuły kryminalnaha kodeksu:
č. 1 art. 130 (Raspalvańnie rasavaj, nacyjanalnaj abo relihijnaj varožaści abo roźni) — karajecca štrafam, abo aryštam na termin da šaści miesiacaŭ, abo abmiežavańniem voli na termin da piaci hadoŭ, abo pazbaŭleńniem voli na toj ža termin.
č. 2 art. 343 Kryminalnaha kodeksa Biełarusi (Raspaŭsiud parnahrafičnych materyjałaŭ) — karajecca pazbaŭleńniem voli na termin ad troch da vaśmi hadoŭ z kanfiskacyjaj majomaści abo biez kanfiskacyi.
Pieršy artykuł zrazumieły, choć by abstraktna, choć by krychu (dziŭna, što mianie tady nie pasadzili da hetaha času, ja tady naohuł viadomy rusafob pavinien być, na dumku Śledčaha kamiteta / MUS), usio roŭna vyklikaje šmat pytańniaŭ. U artykule «zabić ruski śviet» jon nie kaža ładzić pahromy ci viešać pa nacyjanalnaj prykmiecie, jon pa-prostamu, pa-rusku (prabačcie za kałambur) z rezkimi vyrazami pakazvaje tuju ž niebiaśpieku, jakuju Łukašenka taksama bačyć i publična nazyvaje, ale inšymi słovami i ŭžo dla ŭsioj krainy. I artykuł hety, nu dzie jon vykarystoŭvaŭsia? Dy nidzie i nikoli. Čamu nie sadziać aŭtaraŭ «mačyć pindosaŭ», «zaryć chachłoŭ»?
A voś z raspaŭsiudžvańniem parnahrafii — heta poŭnaja biazhłuździca. Ja vam abiacaju, ja sam pakažu tuju karcinku, jakuju raźmiaściŭ Silvier na sajcie. Pryjdziecca jaje, viadoma, kryšačku zamazać, kab i mnie hety ž artykuł nie prypisali. Ale, kali vy jaje ŭbačycie, ubačycie, u jakim kantekście jana była vykarystanaja — zrazumiejecie, nakolki varjacki hety artykuł, pavodle jakoha chočuć asudzić majho siabra. Ścisła: jon zrabiŭ skrynšot z adnoj rasiejskaj hrupy ukantakcie i prosta pakazaŭ «hladzicie, što vytvarajuć». Paŭtaru: sama karcinka śmiešnaja, a ŭzrovień jaje «porna-mahutnaści» roŭny staroncy ŭ školnym padručniku bijałohii. I voś, što ja dumaju: artykuł hety našy orhany lepiać, kali razumiejuć, što pieršy artykuł nie vielmi dobry, nu kali bajacca: a raptam niejki sudździa padumaje «nie, nievinavaty», a tut žalezny artykuł — parnahrafija. Uspomnicie sms-terarysta ŭ mietro — jon nie publikavaŭ publična niejkija pahrozy vybuchu, nikomu pra ich nie kazaŭ, što tak atrymałasia — vypadkovaść pa Kafku. Ale voś usie orhany ŭzialisia — teraryzm ža, a potym, kali ŭsia aŭdytoryja zrazumieła absurdnaść abvinavačvańniaŭ, adrazu ž źjaviŭsia artykuł pra parnahrafiju — taki kozyr. I hučyć brudna i farmalna, złačynstva jość — i reputacyja čałavieka psujecca. Tak što pavažanyja orhany, vy albo štodnia zavodzicie paru tysiač kryminalnych spraŭ tolki pa rekłamie, jakaja vylataje, pakul ja sieryjały biaspłatna hladžu, albo pierastańcie karystacca takim hidkim pryjomam. Artykuł hety ŭžo daŭno nie adlustroŭvaje toje, što było ŭ jaho sutnaści.
Druhoje
«Ja nikoli siabie nie piaryŭ, nikoli nie chacieŭ być palityčnym źniavolenym i nie žadaju im być. Ja ŭsiaho tolki vykładaju svaje pohlady i pierakanańni, źviazanyja ź niebiaśpiekaj, jakaja pahražaje z boku Rasiei, i źviazanyja z zamacham na cełasnaść, suvierenitet i niezaležnaść Respubliki Biełaruś» — Jhon Silver.
Jon siabie da apazicyi nikoli nie pryličaŭ, palitykaj nie zajmaŭsia. Jon byŭ prosta patryjot, jaki ni ad kaho nie zaležaŭ i nikomu ničoha nie byŭ pavinien, a heta ŭ našaj krainie złačynstva.
Tamu davajcie voś hetyja ŭsie kryčałki pra palitviaźnia vy zasuniecie sabie dalej, dla svaich nastupnych prajektaŭ. Ok? Dziakuj.
Treciaje
Silvier prasiŭ pieradać, što ŭ jaho ŭsio ok, jaho nie katujuć, pieradačy prymajuć. «Skazaŭ, što narmalnaje staŭleńnie supracoŭnikaŭ śledčaha izalatara, narmalnyja ŭmovy. Nijakich pretenzij u jaho niama. Jon prasiŭ skazać vialiki dziakuj usim ludziam, jakija padtrymlivajuć jaho, i žurnalistam asabliva za toje, što jość padtrymka».
Čaćviortaje
Kali sud — nieviadoma. Adny kažuć — paśla vybaraŭ u vieraśni. Druhija — što, naadvarot, vielmi chutka. Ale pakul jon u SIZA ŭ Žodzinie — jamu možna dasłać list: 222160, Minskaja vobłaść, h. Žodzina, vuł. Savieckaja, 22 A, turma №8. Palčysu Eduardu Alaksandraviču
Piataje
Ja vielmi spadziajusia, što i śledčyja, i prakurory z sudździami ŭvažliva pastaviacca da spravy, zrazumiejuć usiu biazhłuzdaść situacyi, i Eduard Palčys, viadomy jak Jhon Silver, pa rašeńni suda budzie vyzvaleny z-pad varty ŭ dzień vyniasieńnia prysudu, bo i ŭ jaho, i ŭładaŭ intaresy sychodziacca ŭ adnym — jany za hetuju krainu (prynamsi, u Edu ja ŭpeŭnieny na 100%).
