Mižnarodny alimpijski kamitet razhladaje imaviernaje adchileńnie ad udziełu ŭ Alimpijadzie ŭ Rya nie tolki rasijskich lohkaatletaŭ, ale i ŭsioj rasijskaj spartyŭnaj delehacyi ŭ poŭnym składzie.
Pra heta paviedamlaje niamiecki Spiegel sa spasyłkaj na krynicu ŭ MAK. Jašče adzin varyjant vynikovaha rašeńnia — zabarona na ŭdzieł u Hulniach pradstaŭnikoŭ ad Rasii ŭ asobnych vidach sportu.
U piatnicu, 17 červienia, Mižnarodnaja asacyjacyja lohkaatletyčnych fiederacyj pakinuła ŭ sile listapadaŭskaje rašeńnie ab dyskvalifikacyi Usierasijskaj fiederacyi lohkaj atletyki. 47 rasijskich spartsmienaŭ u sport bolš nie viernucca, jašče 57 časova adchilenyja za ŭžyvańnie zabaronienych preparataŭ.
19 červienia Mižnarodny alimpijski kamitet padtrymaŭ i ŭchvaliŭ rašeńnie Mižnarodnaj fiederacyi lohkaj atletyki pra dyskvalifikacyju rasijskich lohkaatletaŭ.
Klučavoje pasiadžeńnie MAK pryznačana na aŭtorak, 21 červienia.
