Biełaruski rubiel na valutnych tarhach Biełaruskaj valutna-fondavaj biržy 22 červienia 2016 hoda niaznačna zdaŭ pazicyi da troch asnoŭnych valut.
Pavodle danych biržy, kurs dołara ZŠA vyras na 17 rubloŭ (0,09%) i skłaŭ 19,759 rubloŭ.
Kurs jeŭra źniziŭsia na 123 rubli (0,55%) i skłaŭ 22,264 rubla.
Kurs rasijskaha rubla vyras na 2,33 rubla (0,76%) da 310,07 rubla.
U kursaŭtvareńni Nacbank vykarystoŭvaje miechanizm pryviazki kursu rubla da košyka valut, u jakim udzielnaja vaha rasijskaha rubla składaje 40%, a doli dołara ZŠA i jeŭra — 30% kožnaja.
Biełaruski rubiel reahuje na dynamiku kursu rasijskaha rubla, na jaki akazvaje ŭpłyŭ situacyja z naftaj na suśvietnym rynku. Paśla nievialikaha źnižeńnia ŭ aŭtorak, u sieradu ceny na naftu adznačajuć rost da 50,96 dołara za barel Brent na fonie śpiekulacyj, što štotydniovyja danyja, jakija płanujucca da vypusku paźniej siońnia, mohuć pakazać spad zapasaŭ amierykanskaj syroj nafty bolš imklivymi tempami, čym prahnazavałasia.
U Rasii siarednieŭzvažany kurs dołara da rubla raźlikami «zaŭtra» na adzinaj handlovaj siesii MMVB, pa jakim ustanaŭlivajecca aficyjny kurs Centrabanka, na 11.30 sierady źniziŭsia na 45,81 kapiejki i skłaŭ 63,7162 rubla.
