Šatłandyja bačyć svaju budučyniu ŭ składzie Jeŭrasajuza, zajaviła pieršy ministr Šatłandyi Nikoła Sterdžen, kamientujučy papiarednija vyniki refierendumu ab členstvie Brytanii ŭ ES.
«Šatłandyja jasna i rašuča prahałasavała za toje, kab zastacca častkaj Jeŭrasajuza», — padkreśliła lidar Šatłandskaj nacyjanalnaj partyi (SNP).
Raniej jana adznačała, što «breksit» moža stać prałoham da niezaležnaści Šatłandyi.
Pa papiarednich dadzienych, 62% nasielnictva Šatłandyi vykazalisia za zachavańnie siabroŭstva ŭ ES, 38% prahałasavali za vychad z błoka.
Były lidar šatłandskich nacyjanalistaŭ Aleks Sałmand užo zaklikaŭ pravieści paŭtorny refierendum ab niezaležnaści Šatłandyi.
0
0
0
0
0
0
