Prezydent Rasiei Dźmitryj Miadźviedzieŭ prapanavaŭ uradženca Biełarusi Valeryja Hajeŭskaha na post hubernatara Staŭrapolskaha kraju.
Eks‑hubernatar Staŭrapolla Alaksandar Čarnahoraŭ acharaktaryzavaŭ Hajeŭskaha jak «surjoznaha palityka» i «mocnuju asobu, dobra viadomuju ŭ krai».
Valeryj Hajeŭski naradziŭsia ŭ 1958 hodzie ŭ Pietrykavie Homielskaj vobłaści. U 1980 skončyŭ Maskoŭski hieolaharaźviedačny instytut pa specyjalnaści «horny inžyner». Pracoŭny šlach pačynaŭ pamočnikam burylščyka ŭ Žaleznavodzku Staŭrapolskaha kraju. U 90-ch pačaŭ palityčnuju karjeru.
Z 1996 hodu Hajeŭski zajmaŭ vysokija pasty va ŭradzie rehijonu, pracavaŭ na pasadzie namieśnika staršyni ŭradu kraju, paśla ministra finansaŭ rehijonu. U 2006 hodzie staŭ namieśnikam paŭnamocnaha pradstaŭnika prezydenta ŭ Paŭdniovaj federalnaj akruzie.
Hazeta «Kommiersant» zhadvaje, što na pačatku 90‑ch Valer Hajeŭski pracavaŭ u kamercyjnych strukturach, u pryvatnaści, trymaŭ brokierskuju kantoru na Maskoŭskaj fondavaj biržy.
Spadar Hajeŭski žanaty j vychoŭvaje troch dziaciej.