Prezident Francyi Fransua Aland admoviŭ lidaru Nacyjanalnaha frontu Maryn Le Pen u praviadzieńni refierendumu ab vychadzie krainy ź Jeŭrasajuza ŭśled za Vialikabrytanijaj, paviedamlaje Le Monde.
U subotu prezident prymaŭ u Jelisiejskim pałacy lidaraŭ francuzskich palityčnych partyj, u tym liku kiraŭnika partyi «Respublikancy» Nikala Sarkazi, lidara «Sajuza za francuzskuju demakratyju» Fransua Bajru i staršyni «Levaj partyi» Žan-Luka Melanšona.
U chodzie sustrečy Le Pen vystupiła z prapanovaj pravieści ŭ Francyi refierendum, na što atrymała admovu. «Na žal, prezident daŭ admoŭny adkaz. My ličym, što heta aburalna, i što nielha ŭsprymać francuzski narod, jak piataje koła vozu», - skazała lidar Nacyjanalnaha frontu paśla sustrečy z kiraŭnikom dziaržavy.
