Płatnyja ci biaspłatnyja polietylenavyja pakiety taŭščynioj mienš za 50 mkm buduć zabaronienyja ŭ Francyi.
Pakupniki zmohuć vybrać pamiž šmatrazovymi płastykavymi pakietami taŭščynioj bolš za 50 mkm, pakietami z papiery, ci z peŭnym źmiestam materyjałaŭ raślinnaha pachodžańnia (naprykład, bulbianoha i kukuruznaha kruchmału). Ci, naprykład, karystacca torbami z tkaniny.
Mnohija francuzskija kramy admovilisia ad adnarazovych płastykavych pakietaŭ jašče da ŭstupleńnia ŭ siłu dekreta. Ci ž rabili płastykavyja pakiety płatnymi, kab zaachvočvać ludziej vykarystoŭvać šmatrazovyja sumki.
Praz paŭhoda, u studzienia 2017-ha, pad zabaronu trapiać i płastykavyja pakiety ŭ roznych adździełach supiermarkietaŭ.
Adnarazovyja płastykavyja pakiety, jakija vykarystoŭvajucca čaściej za ŭsio, kab prynieści nabytaje dadomu, raskładajucca na praciahu 100-400 hadoŭ.
Pa dadzienych ministerstva ekałohii, štohod u Francyi vykarystoŭvajecca kala 17 miljardaŭ adnarazovych pakietaŭ. 75% adchodaŭ, što zabrudžvajuć mory i akijany, — z płastyka, nahadvaje viedamstva.