Kandydatam u deputaty na hetych parłamienckich vybarach budzie dadzienaja mahčymaść piacichvilinnych vystupaŭ pa telebačańni, radyjo, a taksama ŭdziełu ŭ debatach u vypadku ich praviadzieńnia. Heta vynikaje z pastanovy CVK ab paradku vykarystańnia ŚMI kandydatami ŭ deputaty.
Kandydaty ŭ deputaty ŭ minskich akruhach buduć vystupać u efiry telekanała «Biełaruś 3» i radyjo «Minsk», u akruhach Minskaj vobłaści — u efiry telekanała STV i radyjo «Minskaja chvala». Kandydaty ŭ deputaty ŭ astatnich akruhach buduć vystupać u efiry abłasnych teleradyjokampanij. Usie vystupy pa telebačańni buduć pakazanyja z 19.00 da 20.00, tranślavacca pa radyjo — z 7.00 da 8.00.
Što da debataŭ, to kandydat maje prava admovicca ad udziełu ŭ ich albo nakiravać na debaty davieranuju asobu.
Kandydatam u deputaty budzie dadzienaja mahčymaść apublikavać biaspłatna svaje pieradvybarnyja prahramy ŭ adnym z nastupnych drukavanych vydańniaŭ: «Źviazda», «Narodnaja hazieta», «Respublika», abłasnyja haziety.
Akramia taho, dla publikacyi prahram u drukavanych ŚMI i na internet-resursach, a taksama vystupaŭ pa telebačańni ci radyjo kandydaty mohuć vykarystoŭvać srodki svaich vybarčych fondaŭ.
«Umovy vykarystańnia ŚMI na parłamienckich vybarach hetaha hoda nie horšyja, čym davalisia kandydatam na papiarednich vybarach», — padkreśliła na pasiadžeńni Centrvybarkama 28 červienia člen kamisii Alena Dmuchajła.
Parłamienckija vybary ŭ Biełarusi adbuducca 11 vieraśnia.
