Kampanija «Hazpram transhaz Biełaruś» buduje turystyčny kompleks na bierazie Bierazina, kala vioski Palickaje Asipovickaha rajona. Jak paviedamiŭ čytač partała Tut.by, učastak abharodžany płotam z kalučym drotam, a vakoł terytoryi jeździć milicyja.
Havorka viadziecca pra VIP-kompleks, dla budaŭnictva jakoha biełaruskaja dačka «Hazproma» arandavała 262,08 hiektara ziamli ŭ vodaachoŭnaj zonie Biareziny. Čverć terytoryi adnosicca da prybiarežnaj pałasy.
Damova zaklučana da žniŭnia 2017 hoda. Pavodle jaje, hazavaja kampanija pavinna štohod płacić za arendu štohod pa 628 miljonaŭ rubloŭ (kala $32 tysiač).
Prajekt prachodziŭ hramadskaje abmierkavańnie. Pavodle płanaŭ, na bierazie Biareziny źjaviacca VIP-kompleks na 7 čałaviek z tenisnymi kortami, dvuchpaviarchovy hatel na 20 čałaviek, a taksama dom palaŭničaha i dom rybałova umiaščalnaściu pa 10 čałaviek kožny.
Usie budynki płanujecca vykanać u adzinym styli skandynaŭskaha «šale».
