Siońnia ŭ Brusieli adbyŭsia druhi dzień samitu ES, jon prajšoŭ užo biez udziełu brytanskaha lidara. Pa vynikach sustrečy kiraŭnikoŭ 27 krain Jeŭrasajuza staršynia Jeŭrapiejskaj rady Donald Tusk zajaviŭ, što adnoj z asnoŭnych pryčyn ciapierašniaha kryzisu ES źjaŭlajecca mihracyja. Pra heta paviedamlaje TASS.
Donald Tusk źviarnuŭ uvahu na toj fakt, što asnovaj brytanskaj kampanii pa Brexit stali pytańni nielehalnaj mihracyi.
Jeŭrapiejskija lidary pryniali rašeńnie, što pieramovy ź Vialikabrytanijaj nie pačnucca da farmalnaha apaviaščeńnia ab vychadzie krainy ź ES, adznačyŭ Donald Tusk. Pavodle jaho słoŭ, treba dačakacca zapytu ad Łondana ab sychodzie. Pry hetym dostup Złučanaha Karaleŭstva da jeŭrapiejskaha adzinaha rynku budzie mahčymy tolki pry harantyi volnaha pieramiaščeńnia rabočaj siły i kapitałaŭ.
Akramia taho, staršynia Jeŭrapiejskaj rady paviedamiŭ, što čarhovy samit Jeŭrasajuza bieź Vialikabrytanii adbudziecca ŭ Bracisłavie 16 vieraśnia 2016 hoda.
