Biełaruski Čyrvony Kryž abviaściŭ apieracyju «Śpioka», paviedamiła hałoŭny śpiecyjalist pa suviaziach z hramadskaściu i ŚMI Biełaruskaha tavarystva Čyrvonaha Kryža (BTČK) Anastasija Pisčankava.
Meta apieracyi «Śpioka» — dapamahčy ludziam, jakija pakutujuć ad vysokich tempieratur i pa roznych pryčynach nie mohuć atrymać dostup da pitnoj vady. Užo nazapašana 10,5 t vady dla biaspłatnaj razdačy tym, chto pakutuje ad śpioki.
«Kali tempieratura pavietra dasiahaje plus 30 hradusaŭ, va ŭsich abłaściach respubliki razhortvajucca mabilnyja punkty BTČK. U ich razdajuć vadu i akazvajuć pieršuju dapamohu, — prainfarmavała Anastasija Pisčienkova. — Vałanciory razhortvajuć pałatki ŭ haradskich parkach, zonach adpačynku, na prypynkach haradskoha transpartu, rynkach, vakzałach i inšych miescach masavaha znachodžańnia ludziej». Razam z vadoj jany razdajuć pamiatki ab praviłach biaśpieki va ŭmovach ekstremalna vysokich tempieratur.
Načalnik adździeła pa reahavańni na nadzvyčajnyja situacyi i vyšuku BTČK Dźmitryj Rusakoŭ rastłumačyŭ, što kali čałavieku stała niadobra praź śpiakotu, to ŭ pieršuju čarhu jaho treba advieści ŭ cień, napaić čystaj vadoj i namačyć hałavu. Jon rekamienduje być bolš uvažlivym da navakolnych ludziej, da ich samaadčuvańnia. Kali patrebnaja dapamoha, treba telefanavać pa numarach 103 abo 112.
