Vilenskaja kancertnaja zała Compensa admoviłasia pryniać rasijskaha vykanaŭcu Cimaci.
Pradstaŭnica kancertnaj zały Hintare Binkiavičucie paviedamiła, što vykanaŭca chacieŭ pravieści kancert u listapadzie, adnak Compensa nie pahadziłasia adkryć dla jaho dźviery. Jak havorycca ŭ pres-relizie zały, takoje rašeńnie było pryniata tamu, što hety rasijski repier ličycca pryładaj kramloŭskaj prapahandy.
«Cimaci ŭschvalaje prezidenta Rasii Uładzimira Pucina, ahituje za pravodzimuju Rasijaj palityku va Ukrainie, uchvalaje anieksiju Kryma. Palityčnyja pohlady viadomaha ŭ Rasii vykanaŭcy padalisia kiraŭnikam kancertnaj zały Compensa nieprymalnymi», — adznačajecca ŭ paviedamleńni.
Pa słovach pres-sakratara, rašeńnie pra kancert Cimaci było pryniata paśla ŭvažlivaha aznajamleńnia z pohladami, jakija dekłaruje vykanaŭca, kansultacyjami z ekśpiertami ŭ śfiery infarmacyjnych vojnaŭ i kultury.
«My ličym, što Cimaci pryjazdžaje nie dzialicca muzykaj, a ažyćciaŭlać palityčnyja zadačy: mianiać pohlad udzielnikaŭ kancerta na palityku, jakaja ažyćciaŭlajecca Rasijaj», — skazała Hintare Binkiavičucie.
Raniej Compensa ź mierkavańniaŭ infarmacyjnaj biaśpieki nie pahadziłasia pravieści kancert Lva Leščanki, admoŭlena było ŭ vystupach i «Fiestyvalu šansona» i «Zorkam šansona».
