Premjer-ministr Kanady Džaścin Trudo staŭ pieršym kiraŭnikom urada krainy, jaki naviedaŭ štohadovy hiej-parad u Taronta. Trudo išoŭ razam z meram Taronta Džonam Tory i premjeram pravincyi Antaryjo Ketlin Uin, adkrytaj leśbijankaj.
AP
Pa słovach Trudo, jon šmat hadoŭ udzielničaŭ u hetym hiej-paradzie jak pryvatnaja asoba da taho, jak staŭ premjer-ministram u listapadzie 2015 hoda. Jon dadaŭ, što prysutnaść na im premjer-ministra nie pavinna ličycca niejkaj važnaj padziejaj.
Padčas paradu była praviedziena chvilina maŭčańnia ŭ pamiać ab 49 zahinułych padčas napadu na hiej-kłub u Arłanda ŭ amierykanskim štacie Fłaryda 12 červienia.
Kanada — adna z samych prasunutych krain u śviecie ŭ pytańni pryznańnia pravoŭ leśbijanak, hiejaŭ, biseksuałaŭ i transhiendaraŭ.
Adnapołyja šluby ŭ hetaj krainie ŭzakonili ŭ 2005 hodzie. Tady Kanada stała čaćviortaj dziaržavaj u śviecie i pieršaj — za miežami Jeŭropy, jakija pryniali taki zakon.