Trahičnaje zdareńnie adbyłosia 2 lipienia ŭ vioscy Bystryca kala 20:00. U štučnym vadajomie, pryznačanym dla palivańnia harodu, ŭtapiŭsia 4-hadovy chłopčyk, paviedamlaje pres-słužba Śledčaha kamiteta.
U toj dzień dzicia znachodziłasia razam z baćkam u haściach u babuli. Uviečary jon hulaŭ adzin biez nahladu darosłych niepadalok ad doma, dzie raźmieščany vadajom. Jaho pamiery 6ch18 m, hłybinia kala 1,1 m.
Babula ŭ toj čas znachodziłasia ŭ domie, a baćka ramantavaŭ dach. Mužčyna staŭ klikać syna i adpraviŭsia jaho šukać. Nieŭzabavie baćka znajšoŭ cieła syna ŭ vadajomie. Chłopčyk byŭ miortvy.
Pa fakcie śmierci Kobrynski rajonny adździeł Śledčaha kamiteta Respubliki Biełaruś pravodzić pravierku. Baćki chłopčyka pražyvajuć u Kobrynie i charaktaryzujucca stanoŭča.
