Ministar zamiežnych spraŭ Biełarusi Uładzimir Makiej i papski lehat arcybiskup Vieny kardynał Krystaf Šonbarn na sustrečy 1 lipienia ŭ Minsku abmiarkoŭvali mahčymaść vizytu papy rymskaha Franciška ŭ Biełaruś.
Pra padrabiaznaści sustrečy z kiraŭnikom biełaruskaha zamiežnapalityčnaha viedamstva pasłańnik pantyfika raspavioŭ u intervju aficyjnamu partału Rymska-katalickaha kaścioła ŭ Biełarusi.
Kardynał Šonbarn naviedaŭ Biełaruś na minułym tydni. U jakaści asabistaha pasłanca papy Franciška jon uziaŭ udzieł va ŭračystaściach z nahody 25-hodździa abviaščeńnia Minska-Mahiloŭskaj mitrapolii.
Na sustrečy z kiraŭnikom biełaruskaha MZS, pavodle słovaŭ arcybiskupa Vieny, byli ŭźniatyja pytańni svabody relihii, pravoŭ čałavieka na svabodu vieravyznańnia, miru va Ukrainie.
«My, viadoma, kazali ŭ tym liku i pra apošni vizit biełaruskaha prezidenta ŭ Vatykan i jaho sustreču z papam Franciškam, — skazaŭ kardynał. — Taksama abmiarkoŭvali šancy taho, ci mahčymy byŭ by vizyt u adkaz i jakija pieradumovy pavinny dla hetaha być».