Niaščaście zdaryłasia 27 sakavika. Tady ŭ staličnym mikrarajonie Sucharava pamierła 8-miesiačnaja dziaŭčynka. Miedyki, jakija prybyli na miesca vykliku, zaśpieli ŭ domie trup niemaŭlaci biez ruki, jaje pjanuju maci i ščania chaski. Rasśledavańnie hetaj spravy zavieršana. Dzicia pamierła ŭ vyniku traŭmatyčnaj amputacyi. Na momant śmierci małoj jaje nie karmili kala sutak, paviedamlajuć u Śledčym kamitecie.
Śledstvam vyznačana, što śmierć dziciaci nastupiła ŭ vyniku traŭmatyčnaj amputacyi pravaj vierchniaj kancaviny na ŭzroŭni siaredniaj traciny plača z raźvićciom masiŭnaj krovastraty i hiemarahičnaha šoku.
— Zhodna z zaklučeńniem miedyka-kryminalistyčnaj ekśpiertyzy, na ruce dziciaci majucca rvanyja rany, jakija ŭtvarylisia ad zuboŭ sabaki, jaki znachodziłasia na momant zdareńnia ŭ kvatery, — kažuć u Śledčym kamitecie.
U chodzie rasśledavańnia vyśvietlena, što na momant śmierci dzicia nie karmili kala sutak, naležny dohlad za sabakam nie ažyćciaŭlaŭsia. Na praciahu niekalkich dzion maci ŭžyvała śpirtnoje. Kali zdaryłasia niaščaście, žančyna była pjanaj.
— Na asnovie sabranych pa kryminalnaj spravie dokazaŭ, u tym liku zaklučeńniaŭ ekśpiertyz, maci zahinułaj dziaŭčynki pradjaŭlenaje abvinavačvańnie pa č. 3 art. 159 (Śviadomaje pakidańnie ŭ niebiaśpiecy, ździejśnienaje asobaj, jakaja sama pa nieaściarožnaści pastaviła paciarpiełaha ŭ niebiaśpiečny dla žyćcia stan) Kryminalnaha kodeksa Respubliki Biełaruś. Vinu ŭ ździejśnienym złačynstvie žančyna pryznała całkam.
Kryminalnaja sprava pieradadziena ŭ sud.
