Piłatujemy karabiel «Sajuz MS», jaki startavaŭ z Bajkanura 7 lipienia, prystykavaŭsia da MKS. Stykoŭka, jak paviedamiŭ Centr kiravańnia palotami, prachodziła ŭ aŭtamatyčnym režymie.
Raźlikovy čas stykoŭki byŭ pryznačany na 07:12 msk, a faktyčna jana adbyłasia a 07:06 msk, paviedamlaje TASS.
Na borcie karabla znachodziacca rasijanin Anatol Ivanišyn, astranaŭt NASA Ketlin Rubiens i japoniec Takuja Anisi. Novy ekipaž prabudzie na MKS 115 sutak.
Ivanišyn ŭpieršyniu pabyvaŭ na arbicie ŭ 2011—2012 hadach i pravioŭ tam 165 sutak.
Na borcie arbitalnaj stancyi ich sustreli hramadzianie Rasii Alaksiej Aŭčynin i Aleh Skrypačka i amierykaniec Džefry Uiljams.
Madyfikacyja «Sajuz MS» źjaŭlajecca vynikam hłybokaj madernizacyi karabloŭ sieryi «Sajuz TMA-M». Jana adroźnivajecca ad papiaredniaj viersii novaj kamandna-telemietryčnaj sistemaj, zdolnaj pracavać praz spadarožniki-retranślatary «Łuč», novaj sistemaj zbližeńnia i stykoŭki «Kurs-NA» i inšym abstalavańniem. Akramia taho, na karablach novaj sieryi palepšanaja sistema elektrasiłkavańnia, a soniečnyja batarei vypracoŭvajuć bolš enierhii.