U hetym hodzie dakumienty na biudžet u BDU padali 3585 abituryjentaŭ, paviedamlaje pres-słužba ŭniviersiteta. Amal pałova — vypuskniki himnazij i licejaŭ. A ŭ 47%, što ŭdzielničali ŭ ahulnym konkursie, siaredni bał byŭ vyšej za 300.
Usiaho va ŭniviersitet zaličać na biaspłatnuju formu navučańnia 2207 čałaviek. Siarod abituryjentaŭ hetaha hoda 100 pieramožcaŭ mižnarodnych i respublikanskich alimpijad i konkursaŭ, u tym liku siem łaŭreataŭ śpiecyjalnych fondaŭ prezidenta.
Jašče 700 pastupajučych u BDU skončyli škołu ź miedalom abo SSNU z čyrvonym dypłomam. 63 miedalisty i pieramožcy alimpijad buduć zaličany biez ekzamienaŭ na piedahahičnyja śpiecyjalnaści.
Siarod śpiecyjalnaściaŭ, na jakija ŭniviersitet pravodziŭ ŭnutrany konkurs, samymi papularnymi stali:
dyzajn — ad 3 da 17,2 čałaviek na miesca ŭ zaležnaści ad kirunku; pravaznaŭstva (na skaročanuju formu) — 2,2 čałavieka na miesca; ruskaja i słavianskaja fiłałohija — 1,8 čałavieka na miesca; žurnalistyka i litaraturnaja praca — 1,7 čałaviek na miesca.
